Այսօր կազմակերպված Փորձագիտական ակումբի երկրորդ համաժողովում, «Եվրասիական ինտեգրում եւ հեռանկարներ. Ներուժը եւ հնարավորությունները ԵՄ-ի եւ երրորդ երկրների համար» թեմայով քննարկման ժամանակ սոցիոլոգ Սամվել Մանուկյանը ներկայացրեց իրենց անցկացրած հետազոտությունների արդյունքները: Ըստ դրանց, Հայաստանի հասարակության 50 տոկոսը Ղազախստանը համարում են բարեկամ երկիր:
Նույն հետազոտության համաձայն, ՀՀ հասարակության 85 տոկոսը ՌԴ-ն եւ Ֆրանսիան համարում են բարեկամ, Վրաստանը բարեկամական երկրների երկրորդ հորիզոնականում է, Ղազախստանը, Իրանի եւ ԱՄՆ-ի հետ միասին, երրորդ հորիզոնականում է: Սա, ըստ սոցիոլոգի, խոսում է այն մասին, որ ԵԱՏՄ-ի շրջանակներում տեղեկատվական հարթակի ստեղծումը կնպաստի այս ցուցանիշների դրական զարգացմանը:
Այս համատեքստում է դիտարկում սոցիոլոգը նաեւ Ղազախստանի նախագահ Նորսուլթան Նազարբաեւի մոտեցումները`հասարակական գիտակցության մոդեռնիզացման մասով:
Մանրամասները` տեսանյութում
Անդրադառնալով ԵԱՏՄ-ում եւ ԵՄ-ում հնարավոր համագործակցություններին, քաղաքագետ Խաչիկ Գալստյանը նկատեց` միասին ավելի կայուն կզարգանան երկրները: Նորսուլթան Նազարբաեւի ուղերձում`իր ժողովրդին առաջարկվող էվոլուցիոն զարգացումը, քաղաքագետը «կարեւոր քաղաքական մեսիջ» է համարում, որը պետք է մեր ժողովուրդներին էլ ներկայացնենք:
Մանրամասները` տեսանյութում
Նելլի ԳՐԳՈՐՅԱՆ
