ՀՀ արտաքին գործերի նախարարությունում այսօր Եվրոպայում անվտանգության և համագործակցության կազմակերպության գլխավոր քարտուղար Լամբերտո Զանիերի հետ հանդիպումից հետո լրագրողների հետ զրույցում արտգործնախարար Էդվարդ Նալբանդյանը տեղեկացրեց, որ կողմերը քննարկել են ԵԱՀԿ երեւանյան գրասենյակի փակման հարցը:
«Չարաշահելով վետոյի իրավունքը՝ Ադրբեջանն արգելակեց գրասենյակի գործունեության մանդատի երկարաձգումը: Դա գործողություն է՝ ուղղված ԵԱՀԿ դեմ եւ հակասում է ԵԱՀԿ տեսլականին»,-նկատեց նախարարը:
Նա ԵԱՀԿ գլխավոր քարտուղարին է ներկայացրել Արցախյան հակամարտության խաղաղ կարգավորմանն ուղղված ԵԱՀԿ Մինսկի խմբի համանախագահների ջանքերը. «Մեր կողմից կարեւորվեց Վիեննայի եւ Սանկտ Պետերբուրգի պայմանավորվածությունների կյանքի կոչումը, ինչին Ադրբեջանը շարունակում է ամեն կերպ խոչընդոտել»:
Նալբանդյանն եւ ԵԱՀԿ գլխավոր քարտուղարը չեն շրջանցել նաեւ ապրիլին ՀՀ-ում կայացած խորհրդարանական ընտրությունները: «Արձանագրվեց, որ մեծ քանակության դիտորդներ էին մասնակցում, որոնց գնահատմամբ՝ ընտրությունները լավ էին կազմակերպված»,-փոխանցեց Էդվարդ Նալբանդյանը:
Այլ մանրամասները՝ տեսանյութում:
Լուիզա ՍՈՒՔԻԱՍՅԱՆ
