Այսօր վարչապետի որոշմամբ Սիմոն Պապյանն ազատվել է բնապահպանության նախարարի առաջին տեղակալի պաշտոնից:
Վարչապետի մեկ այլ որոշմամբ նախարարի առաջին տեղակալ է նշանակվել Էրիկ Գրիգորյանը: Նա վարչապետ Կարեն Կարապետյանի օգնականն էր:
Այսօր վարչապետը նաեւ նոր փոխնախարար է նշանակել կապի, տրանսպորտի եւ տեղեկատվական տեխնոլոգիաների նախարարությունում: Այս ոլորտի նախարարի առաջին տեղակալի պաշտոնից այսօր վարչապետի որոշմամբ ազատվեց Արթուր Առաքելյանը, որը փոխնախարար էր դարձել նախկին նախարար Գագիկ Բեգլարյանի օրոք:
Թե ով կփոխարինի Արթուր Առաքելյանին կապի, տրանսպորտի ե տեղեկատվական տեխնոլոգիաների նախարարի առաջին տեղակալի պաշտոնում, առայժմ նշանակման մասին հրամանը կառավարության կայքէջում չկա:
Նելլի ԲԱԲԱՅԱՆ
