ԱԳՆ-ում այսօր լրագրողների հետ հանդիպմանը ՀՀ արտգործնախարար Էդվարդ Նալբանդյանն անդրադարձավ Ադրբեջանի նախագահ Իլհամ Ալիեւի՝ օրերս հնչեցրած հայտարարությանը, թե ԼՂ հակամարտությունը կարող է լուծվել միայն Ադրբեջանի տարածքային ամբողջականության շրջանակում: Նալբանդյանն այդ դիտարկումը, ինչպես նաեւ՝ հայտարարությունները, թե, օրինակ, Ադրբեջանը մարդու իրավունքների եւ ժողովրդավարության երկիր է, անհեթեթ պնդումներ է որակում:
«Լավ գիտենք, որ հիմնախնդիրը պետք է լուծվի երեք հայտնի սկզբունքների վրա, որոնք մեկ ամբողջություն են»,-նկատեց ԱԳ նախարարը:
Էդվարդ Նալբանդյանը նաեւ նշեց, որ մոտ տասը օրից սպասվում է եռանախագահների այց ՀՀ եւ Ստեփանակերտ:
Ինչ վերաբերում է առաջիկայում ՀՀ եւ Ադրբեջանի ԱԳ նախարարների հնարավոր հանդիպմանը, Նալբանդյանի խոսքով՝ հայկական կողմն այդ հարցում մշտապես պատրաստակամ է:
Մանրամասն քիչ ուշ՝ տեսանյութում:
Լուիզա ՍՈՒՔԻԱՍՅԱՆ
