Որտե՞ղ է Իշխան Զաքարյանը: Այս հարցը այսօր էլ շարունակում է ԱԺ-ում արդիական մնալ: ԱԺ արտահերթ նիստից բացակայում է նա: Ուստի լրագրողները «Ծառուկյան» դաշինքի պատգամավոր Իվետա Տոնոյանից հետաքրքրվեցին, թե որտեղ է նա:
Իվետա Տոնոյանը պատասխանեց. «Իշխան Զաքարյանը լինում է ԱԺ-ում, այդ մասին ես տեղյակ եմ, ինքս հանդիպել եմ նրա հետ: Այս պահին, եթե չեմ սխալվում, նա Մոսկվայում է կարծեմ գտնվում՝ հանդիպումների է»:
Մամուլում շրջանառվում է, որ Իշխան Զաքարյանին կառավարությունում պաշտոն են խոստացել ու նա հնարավոր է պատգամավորական մանդատը վայր դնի: Այս առնչությամբ Իվետա Տոնոյանը պատասխանեց. «Իշխան Զաքարյանից երբեւէ նման մտադրության, ցանկության մասին չեմ լսել»:
Հռիփսիմե ՋԵԲԵՋՅԱՆ
