«Արար» հիմնադրամի գործադիր տնօրեն, «Սահման» ՀԿ համահիմնադիր, լիբանանահայ, ՀՀ քաղաքացի Ջորջ Տաբակյանը Իջեւանի տարածաշրջանի Բերքաբեր գյուղի սահմանագոտում, ադրբեջանական հենակետերի դիմաց «Խաղաղության այգի» է հիմնել: Տաբակյանի ֆինանսական միջոցներով, Բերքաբեր գյուղի բնակիչների միջոցով տնկվել է արքայանարնջի (կորոլյոկ) 110 ծառ: Հաջորդ տարի այգու ծառերի թիվը կավելանա: Ընդհանուր առմամբ կտնկվի արքայանարնջի 300 ծառ, որոնցից յուրաքանչյուրը կկրի այն մարդկանց անունները,ովքեր իրենց կյանքն ու գործը նվիրաբերել են հայ ժողովրդին, Հայաստանի անվտանգությանը:
Մի քանի օրից «Խաղաղության այգում» կտեղադրվի ոռոգման կաթիլային համակարգ, որը դյուրին եւ ապահով կդարձնի այգու ոռոգումը: Առաջիկայում այգում նաեւ ցուցանակներ կտեղադրվեն: Ջ. Տաբակյանն ասաց, որ ադրբեջանական զինուժը «Խաղաղության այգու» վրա չի կրակել:
Ոսկան ՍԱՐԳՍՅԱՆ
Լուսանկարները՝ Ջորջ Տաբակյանի ֆեսսբուքյան էջից
