Այս ապուրը կարեւոր է հատկապես հիշողության վերականգնման, ինչպես նաեւ արտերիալ հիվանդությունների դեպքում, նպաստում է վերջույթների հոդացավերի բուժմանը:
Անհրաժեշտ է: Հավի մսով պատրաստված արգանակ` 1.5 լիտր, գլուխ սոխ` 200 գրամ, գետնախնձոր` 150 գրամ, բազուկ` 80 գրամ, գազար` 40 գրամ, լոլիկ` 100 գրամ, մաղադանոսի արմատ` 15 գրամ, թարմ արքայախոտ` 10 գրամ, սամիթ, համեմ, չոր ծոթրին, ձեթ` 150 գրամ, հավկիթ` 1 հատ:
Պատրաստման եղանակը: Եռացող քամած արգանակի մեջ լցնել մանր կտրատած գլուխ սոխի կեսը, մաքրած-լվացած եւ կտրատած գետնախնձորը` կարելի է նաեւ կարտոֆիլ: Այնուհետեւ ավելացնել կտրատած բազուկը, գազարը, իսկ եփելուց հետո պատրաստել սոխառած` վրան լցնելով կեղեւահան արած-մանրացրած լոլիկը, կարմիր պղպեղը: Սոխառածը լցնելուց անմիջապես հետո ավելացնել հարած հավկիթը, չոր ծոթրինը եւ կանաչին:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
27.05.2017
