«Ներեցեք, որ ձեզ հետ չեմ։ Հավատացեք, հոգով ես ձեզ հետ եմ»,- այսօր «Ավրորա» մրցանակաբաշխությանը տեսաուղերձով մասնակիցներին հայտնեց հոլիվուդյան դերասան Ջորջ Քլունին:
Նրա խոսքով` «Ավրորայի» այս տարվա հավակնորդներն իր հիացմունքն են շարժել. «Ամեն օր մենք լսում ենք պատերազմների, բախումների մասին, բայց չեմ ուզում, որ կենտրոնանանք տառապանքների վրա, մենք ուզում ենք լսել այն մարդկանց մասին, որոնք օգնում են մարդկանց»:
Ջորջ Քլունին նաեւ ասաց, որ պետք է գլոբալ մարդասիրական միություն ստեղծել, ինչը մեզնից յուրաքանչյուրի պարտականությունն է. «Պետք է միավորվենք եւ իրավիճակը փոխենք դեպի լավը։ Պետք է մի սերունդ աճի, որը հասկանա՝ միայն իր մասին չպետք է մտածի։ Աշխարհում բոլոր փոփոխությունները դեպի լավը սկսվում է մարդուց»:
Արփինե ՍԻՄՈՆՅԱՆ
