«Կարեւորը ոչ թե կազմն է, այլ կառավարության ամբողջական քաղաքականությունը: Եթե հին նախարարը նոր ընթացքին համահունչ քայլեր է կատարում, իմաստ չկա նրան փոխելու»,-«Փաստարկ» մամուլի ակումբում այսօր անդրադառնալով նոր ձեւավորվելիք կառավարությանը, ասաց ԱԺ ՀՀԿ-ական պատգամավոր Գագիկ Մինասյանը:
Թե բնակչությունը երբ վերջապես կզգա կառավարության աշխատանքի արդյունքները, Գագիկ Մինասյանի խոսքով. «Խնդիրները հաղթահարելու համար հետեւողականություն եւ ժամանակ է պահանջվում: 1-2 երկու տարի պետք է, որ հասարակության համար արդյունքը տեսանելի լինի»:
Ինչ վերաբերում է նոր խորհրդարանին, պատգամավորի գնահատմամբ՝ վերջինս կազմը մեկ քայլ առաջ է իր կարողություններով. «Բոլոր պատգամավորներից նույն ակնկալիքներն ունենալն արդարացի չէ: Բոլոր խորհրդարաններում պատգամավորների 35 տոկոսն է կրում աշխատանքի առյուծի բաժինը»:
Մինասյանը նաեւ վստահեցրեց, որ ՀՀԿ ներսում հակասություններ չեն եղել ու չկան:
Մանրամասն քիչ ուշ՝ տեսանյութում:
Լուիզա ՍՈՒՔԻԱՍՅԱՆ
