«Վերջին շրջանում տնտեսությունն աշխուժանում է, տնտեսական ակտիվության ցուցանիշն աճում է, գրեթե բոլոր ոլորտներում աճ ունենք»,-«Փաստարկ» մամուլի ակումբում այսօր հայտարարեց ԱԺ ՀՀԿ-ական պատգամավոր, ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը:
«Ստվերի կրճատման առումով իրական աշխատանք ենք կատարում»,-չնայած փորձագետների հակառակ պնդումներին, վստահեցրեց նա: Ինչ վերաբերում է վարչապետ Կարեն Կարապետյանի կողմից շարունակ խոսվող ներդրումներին, Գագիկ Մինասյանը նշեց. «Թյուր կարծիք կա, թե ներդրումը գումարն է, մինչդեռ ներդրումն այն տեխնոլոգիաներն են, որոնք աշխատանք են ստեղծում, ապրանք արտադրում: Բիզնեսմեն պետք է հրավիրել, ոչ թե ֆինանսիստ, որը փող կտա ու կգնա: Օբյեկտիվորեն, մենք շատ թերություններ ունենք այդ հարցում՝ չհայտարարված պատերազմ, փակ սահմաններ, տրանսպորտային ծանր իրավիճակ, փոքր շուկա»:
Գագիկ Մինասյանի խոսքով՝ այս պարագայում անլուրջ է ակնկալել, որ մեծ ներդրումներ կգան ՀՀ, բայց աստիճանաբար բարեփոխումները տեսանելի կլինեն նաեւ արտաքին ներդրողների համար:
Մանրամասն քիչ ուշ՝ տեսանյութում:
Լուիզա ՍՈՒՔԻԱՍՅԱՆ
