«Դինամո» մարզադահլիճում անցկացված բռնցքամարտի Հայաստանի պատանիների առաջնության աղջնակների մրցաշարի 48 կգ քաշային կարգում չեմպիոնի կոչումը նվաճեց 16-ամյա Գայանե Տեր-Բարսեղյանը (մարզիչ՝ Վարդան Հարությունյան):
Գայանեն բռնցքամարտով զբաղվում է անցած տարվա սեպտեմբերից, ու սա նրա առաջին հաջողությունն է՝ առայժմ հանրապետական ռինգում: Աղջնակը ռինգում հեռու գնացող նպատակներ եւ ոգեւորության իր օրինակն ունի՝ հորաքրոջ աղջկան, հանրահայտ պրոֆեսիոնալ բռնցքամարտիկ, աշխարհի չեմպիոն Սյուզի Կենտիկյանին: Նա ցանկանում է հավասարվել Սյուզիին եւ, ինչու չէ, ավելի շատ տիտղոսներ նվաճել:
Աշոտ ՀԱԿՈԲՅԱՆ
