Կապանի բժշկական կենտրոնի տնօրենի ժամանակավոր պաշտոնակատար Ռոմիկ Սարգսյանին այսօր ազատել են աշխատանքից, եւ հենց այսօր էլ տնօրեն է նշանակվել Կարեն Մելքոնյանը: Այս լուրը Aravot.am-ի հաստատեց Սյունիքի մարզպետ մամուլի քարտուղար Վազգեն Սաղաթելյանը:
Հիշեցնենք, որ Ռոմիկ Սարգսյանն այս տարվա հունվարին էր նշանակվել բուժկենտրոնի տնօրենի ժամանակավոր պաշտոնակատար:
Թե ի՞նչն էր պատճառը, որ Ռոմիկ Սարգսյանին էլ մարզպետը որոշեց փոխարինել Կարեն Մելքոնյանով, մարզպետի խոսնակը չմանրամասնեց, նշելով. «Ռոմիկ Սարգսյանը նշանակվել էր ժամանակավոր պաշտոնակատար եւ պատշաճ կերպով կատարել է իր աշխատանքային պարտականությունները»:
Թե ինչ նոր պաշտոնի են նշանակելու Սարգսյանին, խոսնակն առայժմ փակագծերը չցանկացավ բացել, նա վստահեցրեց՝ «Մարզի առողջապահության ոլորտում օպտիմալացման գործընթացներ են գնում, այդտեղ էլ ներառելու ենք Սարգսյանի փորձը»:
Նելլի ԲԱԲԱՅԱՆ
