SAS -ը սուպերմարկետներից առաջինն է Հայաստանում, որին ՀՀ ԳՆ սննդամթերքի անվտանգության պետական ծառայության կողմից տրվել է մսի համապատասխանության տեղեկատվական պիտակ: Պիտակը տրամադրվել է «SAS GROUP» ընկերության կողմից ներկայացված դիմումի հիման վրա՝ սննդամթերքի անվտանգության պետական ծառայության կողմից իրականացված վերահսկողական գործողությունների արդյունքում: Ըստ այդմ՝ SAS սուպերմարկետների ցանցն իր սպառողներին առաջարկում է միայն սպանդանոցային ծագում ունեցող միս, որը համապատասխանում է ՀՀ օրենսդրությամբ սահմանված անասնաբուժական և սանիտարահիգիենիկ բոլոր նորմերին: Դա նշանակում է, որ SAS սուպերմարկետների մսի իրացման բաժիններն ապահովված են բավարար քանակությամբ բնական և արհեստական օդափոխությամբ ու լվացարաններով, սառնարաններով, մսի մշակմանկոճղերով, տախտակներով և այլ անհրաժեշտ պայմաններով, իսկ սրահի աշխատակիցներից յուրաքանչյուրն ունի իր նախնական և պարբերական բուժզննությունը փաստող սանիտարական գրքույկ: SAS սուպերմարկետում վաճառվող միսն ընդունվում է միայն անասնաբուժական ուղեկցող փաստաթղթի առկայությամբ և ենթարկվում պարտադիր անասնաբուժասանիտարական փորձաքննության:
SAS սուպերմարկետի համար առաջնային սկզբունք է սպառողներին առաջարկել բացառապես, մաքուր, որակյալ և անվտանգության բոլոր չափանիշներին համապատասխանող մթերք:
