«Յուրաքանչյուր քաղաքացի ունի պետության կողմից սահմանված նվազագույնից ոչ ցածր աշխատավարձի, անվտանգության ու հիգիենայի պահանջները բավարարող աշխատանքային պայմանների իրավունք». սա ամրագրված է ՀՀ Սահմանադրությամբ:
Այդ իրավունքների պաշտպանությամբ մեր երկրում զբաղվում են բյուջեից գումարներ ստացող հազար ու մի կառույցներ, որոնք, սակայն, աչք են փակում այնպիսի խախտումների վրա, որոնք թույլ են տալիս գործատուները: Լուսանկարում պատկերվածը «աշխատատեղեր» են` փողոցներում ավտոկայանատեղիները հսկող հսկիչների աշխատատեղերը: Ձմռան ցրտին, ամռան շոգին այս մարդկանց աշխատավայրը բաց երկնքի տակ է, այս փոքրիկ աթոռակներին:
Լուսանկարները` ԼՈՒՍԻՆԵ ԲՈՒԴԱՂՅԱՆԻ
«Առավոտ»
20.05.2017
