ԱԺ-ում այսօր հանձնաժողովների նախագահների քվեարկություն է լինելու: Ելույթում «ԵԼՔ» դաշինքի պատգամավոր Նիկոլ Փաշինյանն ասաց. «Մենք «կողմ» քվեարկելու ենք «Ծառուկյան» դաշինքի թեկնածուների օգտին: Թեեւ երեկ նրանք կողմ քվեարկեցին ՀՀԿ-ի՝ ԱԺ-ում 9 հանձնաժողով ունենալու տարբերակին, մինչդեռ մենք առաջարկում էինք 10 հանձնաժողով ունենալ»:
Ինչ վերաբերում է ՀՀԿ-ին, Փաշինյանի խոսքով. «Դեմ ենք քվեարկելու ՀՀԿ թեկնածուներին, բայց այստեղ չենք եկել ինքնանպատակ կողմ եւ դեմ քվեարկելու համար: Կողմ կքվեարկենք միայն ֆինանսաբյուջետային հանձնաժողովի նախագահի թեկնածու Գագիկ Մինասյանին՝ հաշվի առնելով նրա անձը եւ կերպարը»:
Լուիզա ՍՈՒՔԻԱՍՅԱՆ
