Եթե ձեզ անհանգստացնում է նյարդացավը` նեւրալգիան, որն ընթանում է նյարդերի ընթացքով տարածվող սուր, այրող կամ մղկտացող բութ նոպայաձեւ ցավով, եւ առավել հաճախ՝ ծոծրակային եւ միջկողային նյարդացավով, ապա ժողովրդական բժշկության դեղատոմսերից մեկն առաջարկում է վերցնել հավի ձուն, պինդ եփել, տաք վիճակում 2 կես անել եւ անհապաղ դնել ամենացավոտ տեղին եւ կապել: Մինչեւ ձվի սառչելը ցավը կանհետանա, եւ երկար ժամանակ նյարդացավը ձեզ չի անհանգստացնի:
Միզուղիների բորբոքումների բուժում
1. Միզուղիների բորբոքումների ժամանակ անհրաժեշտ է վերցնել 30 գրամ եղեսպակ, 60 գրամ երիցուկ, աղալ եւ սրանց վրա ավելացնել 2 լիտր գինի, թողնել 30 ժամ, քամել եւ օրական 4 անգամ 50-ական գրամ խմել:
2.Վերցնել երիցուկի տերեւներ՝ 10 գրամ, վրան ավելացնել 40 գրամ խաղողի ծաղիկներ, աղալ, մզվածքին ավելացնել 25 գրամ մեղր եւ օրը 3 անգամ 1 ճաշի գդալ ուտել:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
19.05.2017
