Մարդու իրավունքների եվրոպական դատարանը մայիսի 18-ին հրապարակել է «Նիկողոսյանն ընդդեմ Հայաստանի» գործով դատավճիռը, որով Հայաստանին պարտավորեցվել է Նիկողոսյանին վճարել 3600 եվրոյին համարժեք դրամ: Այս մասին ասվում է դատարանի կայքում հրապարակված փաստաթղթում:
Ռոբերտ Նիկողոսյանը 2009թ. ազատվել էր Պետեկամուտների կոմիտեում զբաղեցրած պաշտոնից, որից հետո դիմել էր դատարան՝ պահանջելով իրեն վերականգնել պաշտոնում և փոխհատուցում վճարել:
Ավելի ուշ Կենտրոն և Նորք-Մարաշ վարչական շրջանների դատարանը որոշում էր կայացրել հօգուտ Նիկողոսյանի, սակայն ՊԵԿ-ը չէր կատարել դատարանի պահանջը:
Եվրոպական դատարան Նիկողոսյանը բողոք էր ներկայացրել ընդդեմ ՊԵԿ-ի՝ խնդրելով պարտավորեցնել կատարել դատարանի որոշումը:
Պատրաստեց՝ Վիկտորյա ԱՆԴՐԵԱՍՅԱՆԸ
