ԱԺ հանձնաժողովների թվի հարցն է քննարկվում ԱԺ-ում: «Ելք» խմբակցության ղեկավար Նիկոլ Փաշինյանն իր ելույթում ասաց, որ եթե Մարդու իրավունքների եւ հանրային հարցերի հանձնաժողովը նույնիսկ պահպանվի, ինչպես իրենք են առաջարկում, բայց այդ հանձնաժողովի նախագահը լինի, ասենք, Հրայր Թովմասյանը կամ Գեւորգ Կոստանյանը, ի՞նչ տարբերություն՝ այդ հանձնաժողովը կա՞, թե՞ չկա. «Մարդիկ եղել են գլխավոր դատախազ, արդարադատության նախարար, եթե մարդու իրավունքները պաշտպանող լինեին՝ այն ժամանակ կպաշտպանեին: Նրանք մարդու իրավունքների պաշտպանությունը ոտնահարող թիմի ներկայացուցիչ են»:
Ըստ Փաշինյանի, եթե սկզբունքային ընդդիմության ներկայացուցիչը լինի այդ հանձնաժողովի նախագահը, կունենանք իրավիճակի փոփոխություն:
ՀՀԿ խմբակցության ղեկավար Վահրամ Բաղդասարյանը գտնում է, որ «Ելքը» նեղ կուսակցական շահերն է պաշտպանում. «Ձեզ պետք է ծառայողական մեքենա, հանձնաժողովի նախագահի պաշտո՞ն, թե սկզբունքային հարց եք լուծում: Դուք պաշտոն եք ուզում»:
Հռիփսիմե ՋԵԲԵՋՅԱՆ
