«Փաստարկ» մամուլի ակումբում այսօր Երեւանի նորընտիր ավագանու «ԵԼՔ» դաշինքի անդամ, դաշինքի մամուլի խոսնակ Տիգրան Ավինյանը պարզաբանեց, թե ինչու երեկ նորընտիր խորհրդարանում դաշինքի պատգամավորները բոյկոտեցին նախագահ Սերժ Սարգսյանի ելույթը: Հիշեցնենք, որ նախագահի հեռանալուց հետո միայն դաշինքի պատգամավորները մտան նիստերի դահլիճ:
«Մեր դաշինքը ԱԺ ընտրությունների ողջ քարոզարշավի ընթացքում պայքարել է ընտրակաշառք բաժանելու դեմ: Անգամ գնացել ենք ՀՀԿ ընտրական շտաբներ եւ ձեռք բերել ապացույցներ, որ ՀՀԿ-ն բաժանում է ընտրակաշառք: Նախագահը պարտավոր էր Սահմանադրությամբ ապահովել ընտրական գործընթացի թափանցիկությունը, որը նա չի արել: Մեր այդ քայլն ուղղված էր երկրի ղեկավարի՝ իր պարտականությունների չկատարման դեմ»,-այսպես մեկնաբանեց Տիգրան Ավինյանը:
Նա հավելեց, որ ոչ մեկը չի մոռացել Մարտի մեկը, եւ թե ինչպես է նախագահ Սերժ Սարգսյանը եկել իշխանության. «Այս փաստերն էլ են ազդեցություն ունեցել երեկվա մեր այդ ակցիայի վրա»: Իսկ կբոյկոտե՞ն, արդյոք, Երեւանի ավագանու առաջին նիստը, ըստ Տիգրան Ավինյանի, ցույց կտա իրավիճակը:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
