Այսօր ԱԺ նիստում ՀՀԿ պատգամավոր Սամվել Ֆարմանյանը ԵԱՀԿ Մինսկի խմբի տարածած հայտարարությանն անդրադարձավ. «Ըստ էության, հակամարտության միջնորդական պատմության ընթացքում առաջին անգամ Մինսկի խումբը ստիպված մատնանշում է, որ շփման գծում իրավիճակի սրման եւ հրադադարի ռեժիմի խախտման նախաձեռնողը Ադրբեջանն է: Սա, ըստ էության, Մինսկի խմբի համանախագահության կողմից ստիպված քայլ է՝ հաշվի առնելով, որ Ադրբեջանը շարունակում է հրաժարվել Վիեննայում եւ Սանկտ Պետերբուրգում ձեռք բերված համաձայնությունների կատարումից՝ կապված սահմանային միջադեպերի հետաքննության մեխանիզմի ներդրման հետ»:
Ֆարմանյանն ասաց, որ բոլորը պետք է ողջունեն Մինսկի խմբի այս կոչը, իսկ Մինսկի խումբը ճիշտ կլինի մտածի նաեւ հրադադարի խախտման դեպքերի պարագայում Ադրբեջանում կրած մարդկային կորուստների տվյալների հրապարակման մասին, քանի որ Ադրբեջանը թաքցնում է մարդկային կորուստները՝ մոլորության մեջ դնելով սեփական հասարակությանը:
Հռիփսիմե ՋԵԲԵՋՅԱՆ
