Դեսպան Արման Նավասարդյանը լուրջ վտանգներ է տեսնում հայկական սահմանի երկայնքով այս ամիս տեղի ունեցած ադրբեջանաթուրքական ռազմախաղերում:
«Շատ վտանգավոր քայլ էր, ոչ միայն նրա համար, որ զորախաղ եղավ, այլեւ Չաուշօղլուն հայտարարեց՝ քանի որ հայ-ռուսական համագործակցությունը ռազմական բնագավառում շատ բարձր մակարդակի վրա է, մենք էլ պետք է հասնենք այդ մակարդակին, իսկ հասնելու ճանապարհին Նախիջեւանում թուրքական ռազմաբազա ստեղծելու հարց դրեց:
Ծիծաղելին այն է, որ նա հղում է կատարում Ղարսի պայմանագրին, բայց իրականում այստեղ փաստերը գլխիվայր են դրվում, որովհետեւ ըստ այդ պայմանագրի 4-րդ, 5-րդ հոդվածների, սեւով սպիտակի վրա գրված է՝ Թուրքիան իրավունք չունի այնտեղ ստեղծել որեւէ ռազմական մի բազա կամ ուժեր եւ սա 1921 թվականին է ասվում: Եթե Թուրքիան նման քայլի գնա, ապա նրա հյուսիսային սահմանները պետք է վերանայվեն: Իմ կարծիքով»,-ասաց պարոն Նավասարդյանը:
Արփինե ՍԻՄՈՆՅԱՆ
