«Այդ երեւույթի մեջ ես ավելի շատ սադրանք եմ տեսնում»,- նախկին ոստիկանապետ, ՀՀԿ պատգամավոր Ալիկ Սարգսյանն այսօր լրագրողների հետ զրույցում այսպես գնահատեց «Երկիր Ծիրանի» կուսակցության ղեկավար Զարուհի Փոստանջյանի եւ նրա դստեր նկատմամբ ոստիկանների կատարած բռնության միջադեպը Տարոն Մարգարյանի շտաբում:
Նրա խոսքերով՝ «բնականաբար, տեսարանն այնպիսին էր, որ բռնություն…չգիտեմ ինչ, բայց դա այդպես մի նայեք»:
Հարցին՝ կնոջ հետ կարելի՞ էր այդպես վարվել՝ Ալիկ Սարգսյանը պատասխանեց. «Եթե կինը 20 անգամ դիմելուց հետո չի արձագանքում, երբ պահանջում է, այն, ինչ ինքը օրենքով սահմանված կարգով իրավունք չունի: Դա իրավապահ մարմինների գործառույթն է մարդու սեփականությամբ բնակարան, oֆիս, ինչու չէ՝ ընտրական շտաբ մտնել եւ խուզարկության տիպի մի բան կատարել: Պատկերացրեք, մեկի բնակարան մտնեն եւ ասեն՝ ես լրագրող եմ, եկել եմ՝ ձեր պահարանը ստուգեմ, դուք իրավունք ունե՞ք»:
Ալիկ Սարգսյանն ասաց, որ լուսանկարները, տեսագրությունը նայելիս գուցե իրոք տպավորություն է, որ քաշքշուկ կա, բայց մինչ քաշքշուկը Զարուհի Փոստանջյանին խնդրել են, որ գնա, դիմի իրավապահներին, որ համապատասխան օրինական գործողությունը կատարեն:
Հարցին՝ ոստիկանների գործողություններն իրավաչա՞փ էին՝ Ալիկ Սարգսյանը պատասխանեց. «Չեմ ուզում դրա գնահատականը տալ, բայց, այնուամենայնիվ, հասավ այդ աստիճանի, որովհետեւ եթե մի երեւույթ արդեն ինքնին իր մեջ սադրանք է պարունակում, դա հղի է ամեն տեսակի տեսարաններով, որը հետագայում կարելի է տարբեր… Նրան ընդամենը դուրս էին հրավիրում»:
Ալիկ Սարգսյանը ցավում է, որ Փոստանջյանի աղջիկը՝ Լիլիթը մարմնական վնասվածքներ է ստացել. «Մի բան գիտեմ, վստահ եմ ու հայտարարում եմ՝ ոչ մի ոստիկան նրա աղջկա վրա ձեռք չէր բարձրացնի, ջահել, երիտասարդ աղջկա հարվածե՞լ: Չեմ կարծում, նման ոստիկան այդ համակարգում չկա: Իմաստ չուներ»:
Թե ո՞նց է ուղեղի ցնցում ստացել աղջիկը՝ Ալիկ Սարգսյանը պատասխանեց՝ թող դատաբժիշկները պարզեն:
Մանրամասները՝ տեսանյութում
Հռիփսիմե ՋԵԲԵՋՅԱՆ
«Ուղեղի ցնցում», սարսափելի հնչող բառեր են. կան անոն այլազան աստիճանները, եւ յատկապէս մարմնամարզական խաղերի ընթացքին, մարզիկները անվերջ կը ստանան այդ ցնցունը (concussion), սովորական բան է իրենց համար
ԵԹԱ հասաստուի որ ջահել աղջնակը ունեցաւ այդպիսի վնասուացք – որովհետեւ սուտը պակասը չկայ, այսպիսի պարագաներու… -,
շատ հաւանական է որ ընդհանուր հռմշտուքի ընթացքում, գլուխը մի տեղ զարնուեցաւ, պատահմամբ
Իսկ ո՞վ արծարծեց այդ հռմշտուքը՝ իր մայրը:
Ինչ-ինչ նպատակներով:
Խնդիրը գոյանալէ ետք – շնորհիւ Drama Queenին -,
ի՞նչ էր անելու ամէն մարդ, ոստիկանները…
թոյլ տալ որ Տիկինը ուր ուզածը, իր ուզած կերպով, ընէ՞
պոռա, կանչէ, ամբաստանէ ,նախատէ,
գրասենեակի դարակները խառնէ…
ամէն դէպքում, անհնար է իսկապէս հաւատալը թէ ոստիկան մը, դիտումնաւոր կերպով, ջահել աղջկանին գլուխը բռնեց, եւ պատին մէջ մտցնել փորձեց
սա երեւակայութիւն է
կամ ել դիտումնաւոր, մարտավարական սուտ,
հանրային յուզում եւ… ընդվզում առաջացնելու համար
այդ «ընդվզումը», որուն կոչն եմ անում նաեւ բանտը նստածները,
ջանալ վերարծարծելու համար Մեծն Յեղափոխութիւնը
ի դէպ, եթէ Օրէնքը լրջօրէն կիրարկուի,
Տիկին Փոստանջյանը պէտք է որ ենթարկուի քրէական հետապնդման,
ոչ միայն ընտրութեան օրը հանրային կարգը խանգարող իր այդ անընդունելի վերաբերմունքով, այլ նաեւ անոր յաջորդող՝ զինեալ ապստամբութեան իր կոչերով
ոստիկանութեան միակ սխալը հետեւեալն է՝
երբ որ իգական սեռի կը պատկանին խնդրահարոյց անձիքը,
պէտք է որ նոյն սեռի պատկանող ոստիկանուհիներ ստանձնեն գործը
թէ «պատկերի» հարց է,
թէ պատշաճութեան
(թէեւ տպաւորիչ է թէ հուժկու տղամարդ ոստիկանները որքան ամօթխած կերպով էին տեղափոխում Տիկինը, դէպի մեքենա
իսկ ջահելի պարագային, ոտքերից եւ ուսերից գրկելով տանիլը ամենալաւ կերպն է մարմնի մնացեալ բաժիններին չդպնալու համար
նորէն ալ, նախընտրելի է որ ոստիկանուհիներ զբաղուին օրէնքը խախտող կիներով եւ աղջնակներով)