Ազգային ժողովի փոխնախագահներն ընտրված են:
105 պատգամավորներից քվեարկությանը մասնակցել է 100 պատգամավոր: Էդուարդ Շարմազանովի օգտին քվեարկել է 82 պատգամավոր, դեմ է եղել 13-ը, 3 քվեաթերթիկ էլ անվավեր է:
Արփինե Հովհաննիսյանի օգտին կողմ է քվեարկել 73 պատգամավոր, 22-ը դեմ է, 5 քվեաթերթիկ անվավեր:
Միքայել Մելքումյանի օգտին քվեարկել է 65 պատգամավոր, դեմ՝ 29, 6 անվավեր:
Արա Բաբլոյանն ԱԺ-ի անունից շնորհակալություն հայտնեց ԱԺ նախկին նախագահ Գալուստ Սահակյանին եւ փոխնախագահ Հերմինե Նաղդալյանին եւ նրանց նվիրեց հուշանվեր՝ ժամացույց:
Ընտրվելուց հետո Էդուարդ Շարմազանովն ասաց՝ ծառայում եմ Հայաստանի Հանրապետությանը, Արփինե Հովհաննիսյանը խոստացավ, որ ամեն ինչ անելու է՝ իր ելույթում հնչեցրած թեզն իրականացնելու համար: Միքայել Մելքումյանն էլ հայտարարեց, որ շնորհակալ է պատգամավորների քաղաքական, անձնական վերաբերմունքի համար:
Հռիփսիմե ՋԵԲԵՋՅԱՆ
