Ինչպես հայտնի է, վեցերորդ գումարման Ազգային ժողովի առաջին նիստը տեղի կունենա հինգշաբթի՝ մարտի 18-ին: Մինչ այդ Aravot.am-ը իր ընթերցողից հետաքրքրվեց, թե ԱԺ ընտրությունների արդյունքում խորհրդարան չանցած ո՞ր քաղաքական ուժին կցանկանային տեսնել խորհրդարանում:
Հիշեցնենք՝ Ազգային ժողով չէին անցել «Հայկական վերածնունդը», «Օհանյան-Րաֆֆի-Օսկանյան» դաշինքը, «Ազատ դեմոկրատները», Հայաստանի կոմունիստական կուսակցությունը եւ «Կոնգրես-ՀԺԿ» դաշինքը:
Հարցվածների միայն 8 տոկոսը կցանկանար «Հայկական վերածնունդ» կուսակցությանը տեսնել խորհրդարանում, Կոմունիստական կուսակցությանը՝ 12 տոկոսը, ՕՐՕ դաշինքին՝ 15 տոկոսը: «Կոնգրես-ՀԺԿ» դաշինքին խորհրդարանում կցանկանար տեսնել հարցվածների 28 տոկոսը: Իսկ հարցման մասնակիցների մեծամասնությունը՝ 37 տոկոսը, վեցերորդ գումարման Ազգային ժողովում կցանկանար տեսնել «Ազատ դեմոկրատներին»:
ԱՄԻ ՉԻՉԱԿՅԱՆ
«Առավոտ»
18.05.2017
