Հայաստանը վերջին տեղում է Եվրոպայում սեռական փոքրամասնությունների իրավունքների պաշտպանության աղյուսակում: Այս մասին ասվում է Լեսբուհիների, գեյերի, բիսեքսուալների, տրանսգենդերների և ինտերսեքսուալների միջազգային ասոցիացիայի հրապարակած մամուլի հաղորդագրության մեջ, գրում է Deutsche Welle-ն:
Իր զեկույցը կազմելիս ILGA Europe-ը հենվել է Rainbow Europe Map-ի 2017թ. քարտեզի վրա, որտեղ գրանցված է սեռական փոքրամասնությունների իրավունքների պաշտպանության հարցում երկրների ցուցաբերած առաջընթացը:
Հայաստանն այդ առումով առաջադիմել է 5 տոկոսով և գտնվում է վերջին հորիզոնականում, նախավերջին հորիզոնականում Ռուսաստանն է (6 տոկոս):
Սեռական փոքրամասնությունների իրավունքների պաշտպանության ոլորտում ամենամեծ առաջընթացը գրանցել են Մալթան (88%), Նորվեգիան (78%) և Մեծ Բրիտանիան (75%):
Պատրաստեց Վիկտորյա ԱՆԴՐԵԱՍՅԱՆԸ
