Վերջերս Իջեւան քաղաքում 1983թ. ծնված տղամարդը փորձել է բռնաբարել 62-ամյա կնոջը, նրան հարվածներ է հասցրել եւ այլն: Բռնաբարությունը, սակայն, չի կատարվել:
Երիտասարդն ու նրանից տարիքով գրեթե երկու անգամ մեծ կինը Իջեւան քաղաքի բնակիչներ են, աշխատում են նույն հիմնարկում՝ Իջեւանի քաղաքապետարանի ենթակայության տակ գործող մի ծառայությունում:
Բռնաբարության փորձ արած տղամարդն այդ հիմնարկում բանվոր է, իսկ նշված կինը՝ հավաքարար: Հավաքարար կինն ամուսին չունի, 8 երեխա ունի, որոնք տարբեր հայրերից են: Բռնաբարության փորձ կատարած տղամարդը հաշմանդամ է, ամուսնացած չէ:
Բռնաբարության փորձը կատարողը եղել է ոգելից խմիչք օգտագործած վիճակում, ընդ որում՝ տղամարդն ու այդ կինը միասին են ոգելից խմիչ օգտագործել:
Դեպքի կապակցությամբ 34-ամյա հաշմանդամ տղամարդը ձերբակալվել է, սակայն նա չի կալանավորվել, հետո ազատ է արձակվել:
Պատահարի առթիվ քրեական գործ է հարուցվել ՀՀ քրեական օրենսգրքի 34-138 հոդվածով («Բռնաբարության փորձը»): Սույն քրեական հոդվածը որպես պատիժ նախատեսում է 3-6 տարի ժամկետով ազատազրկում: Նշված քրեական գործով նախաքննությունը ՀՀ քննչական կոմիտեի Տավուշի մարզային քննչական վարչությունում ընթացքի մեջ է:
Ոսկան ՍԱՐԳՍՅԱՆ
