«Եթե Ադրբեջանը զիջումների պատրաստ չէ գնալ, մենք ինչպե՞ս առաջարկենք՝ եկեք նստենք հարցը լուծենք»,-«Հենարան» մամուլի ակումբում այսօր անդրադառնալով հարցին, թե ներկա փուլում որքանո՞վ է հնարավոր կյանքի կոչել ՀՀ առաջին նախագահ Լեւոն Տեր-Պետրոսյանի՝ «տարածքների զիջում՝ կարգավիճակի դիմաց» թեզը, ասաց ՀՀ պաշտպանության նախկին նախարար Վաղարշակ Հարությունյանը:
Նա հիշեցրեց Ադրբեջանի նախագահի դեկտեմբերյան ելույթը, որում ասվում էր. «Ղարաբաղը մերն է: Տարածքների մասին խոսք չի կարող լինել, դրանք մեր տարածքներն են, մերն են նաեւ Երեւանը, Մեղրին եւ Գորիսը»:
Հարությունյանը նկատեց. «Հայկական կողմը միշտ պատրաստ է եղել տարածքներ զիջել կարգավիճակի դիմաց, իսկ Ադրբեջանն ի՞նչ զիջումների է պատրաստ: Ադրբեջանն այսօր չի գնա որեւէ զիջման, եւ մոտակա ժամանակներում Ղարաբաղի հարցի լուծում չկա:
Պատճառը, ըստ նախկին պաշտոնյայի, Ադրբեջանի կոշտ դիրքորոշումն է:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
