Լավ, ո՞րն է այն գինը, հանուն որի մտավորականության մի զգալի հատված ընտրությունից ընտրություն գործիք է դառնում իշխանության ձեռքին։ Արդյո՞ք իրենց դուր է գալիս այն, ինչին դրդում են ընտրություն բեմադրողները։ Սեփական «ես»-ը չաղճատելու, մաքուր մնալու եւ չոտնահարված խղճով ապրելու համար չե՞ն փորձում, արդյոք, նույնիսկ աշխատանքը կորցնելու գնով մի կողմ քաշվել՝ ազգադավի պիտակ չվաստակելու համար։
Դժբախտաբար, սովետի մտածողությունն ու ունեցածը կորցնելու վախն այնքան խորը արմատներ են գցել նրանց մեջ, որ տիրոջը հլու-հնազանդ ծառայելն ապրելակերպ է դարձել, մտածողություն, գրեթե արժեքային համակարգ է ձեռք բերել։
Կեղծարար տիկնայք եւ պարոնայք, եթե շատ եք ուզում հանուն օրվա հացի ծառայել իշխանությանն ու նրա հանցավոր ծրագրերի մասնակիցը դառնալ, ապա արեք դա՝ վաճառելով միայն ձեր իրավունքները, ձեր ձայնն ու ձեր ապագան։ Մյուսների հետ գործ չունեք։
Սերոբ ՄԱՐՈՒԹՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
