«Խոսքի ազատության պաշտպանության կոմիտեի» նախագահ Աշոտ Մելիքյանը եւ մեդիա փորձագետ Գեղամ Վարդանյանը մայիսի 14-ին «Մեդիա կենտրոնում» անդրադարձան Երեւան քաղաքի ավագանու ընտրություններին:
Աշոտ Մելիքյանի ձեւակերպմամբ, իրենք ակնկալում էին, որ ընտրություններն ավելի հանգիստ կանցնեն, մինչդեռ Ֆիզիկական բռնության երկու եւ ճնշումների չորս դեպք են արձանագրել:
«Ի վերջո դրանք չխանգարեցին լրագրողներին կատարել իրենց մասնագիտական աշխատանքը: Այժմ պատրաստում ենք հայտարարություն, որտեղ այդ փաստերը ներկայացված են լինելու: Ի տարբերություն խորհրդարանական ընտրությունների, երբ նույն օրը իրավապահ մարմիններն արձագանքեցին, այսօր այդպիսի օպերատիվություն չտեսանք: Հրապարակային հայտարարություն այս պահի դրությամբ իրենց կողմից չի եղել»,-ասաց Աշոտ Մելիքյանը:
Գեղամ Վարդանյանը անդրադառնալով տարբեր ուժերի կողմից սոցիալական մեդիան օգտագործելուն: Նա փաստեց, թե ինչպես է, օրինակ, «Երկիր Ծիրանին» ուղիղ եթերներ մտել, անգամ Անի քաղաքից:
Մեդիա փորձագետը նշեց, որ ընտրությունների օրը լրագրողների համար վերածվել է վտանգավոր, պատրաստվել կարողանալու գործողության:
Խոսքի ազատության պաշտպանության կոմիտեի» նախագահը խոսելով ընտրարշավի լուսաբանումներից, ասաց, որ մեր ընտրական համակարգում հատկապես իշխող կուսակցության կողմից կիրառվող մեխանիզմը ընտրազանգվածի հետ գորշ մասսայի միջոցով գումարային հարցեր լուծելն է:
Նրա խոսքով, նախ մասնակցում են թաղային հեղինակությունները, ապա փողկապավոր կուսակցականները, եւ այդ գործընթացին խանգարողները ԶԼՄ-ներն ու դիտորդներն են:
Գեղամ Վարդանյանը ուրախությամբ փաստում է, որ քաղաքացիական հասարակության ներկայացուցիչները եւ դիտորդական նախաձեռնությունները ակտիվորեն օգտագործում են սոցիալական մեդիան, բոլոր հարթակները` համապատասխան տեղեկատվությունը տարածելու համար:
Գոհար ՀԱԿՈԲՅԱՆ
Լուսանկարը` «Մեդիա կենտրոն»-ի
