Այսօր ժամը 12-ի մոտակայքում մահացել է մայիսի 3-ին լույս աշխարհ եկած հնգյակից եւս մեկը՝ տղան: Չնայած, որ նա կշռում էր իր մյուս քույրերից ամենաշատը` 820 գրամ, սակայն նորածնի մոտ օրգան համակարգերի խորը անհասություն էր:
Aravot.am-ի հետ զրույցում առողջապահության նախարարի մամուլի խոսնակ Անահիտ Հայթայանն ասաց, որ երկու աղջիկներն առայժմ առանց սարքի են շնչում եւ անհրաժեշտության դեպքում նրանց թթվածին է տրվում:
Տղան գտնվում էր «Մուրացան» բժշկական կենտրոնում` գլխավոր մանկական ռեանիմատոլոգ Հրանտ Կալենդելյանի հսկողության ներքո:
Նշենք, որ մայիսի 6-ի առավոտյան էլ մահացել էր հնգյակի աղջիկներից մեկը, որը գտնվում էր «Էրեբունի» բուժկենտրոնում, մայիսի 7-ի առավոտյան էլ` ամենաքիչ քաշով աղջիկը:
Լուսինե ԲՈՒԴԱՂՅԱՆ
