Այսօրվա գերժամանակակից սպա-կենտրոնների փոխարեն տարիներ առաջ
Հայաստանում բազմաթիվ բաղնիքներ են գործել, ու բաղնիք գնալու յուրահատուկ ավանդույթ է եղել: Ըստ Երվանդ Շահազիզի՝ Հին Երեւանում կար 9 բաղնիք, դրանց մի մասը` Կոնդ թաղամասում: Հայտնի է եղել հատկապես Եղիազարովի բաղնիքը, որը տեղակայված էր այսօրվա Հանրապետության հրապարակի տարածքում: Ինչ վերաբերում է Աշտարակում գտնվող այս լքված շենքին, այն եւս երկար տարիներ որպես բաղնիք է ծառայել, սակայն այժմ դրա կողքով տեղացիները զգուշավորությամբ են անցնում:
Մեզ հետ զրույցում էլ ոմանք կատակեցին, թե շենքը կուսակցական շտաբ է: Ի դեպ, Աշտարակում մինչեւ 20-րդ դարի կեսերը բաղնիք չի եղել: Եվ ինչպես աշտարակցի գրող Վալտեր Արամյանն է գրել, Աշտարակի առաջին բաղնիքը կառուցել է բնիկ աշտարակցի տեր Արշակ Զաքարյանը: Վերջինիս երազանքն էր իր ծննդավայրում կառուցել այնպիսի հասարակական բաղնիք, ինչպիսին տեսել էր Երեւանում եւ Թիֆլիսում:
Լուսանկարը` ԳՈՀԱՐ ՀԱԿՈԲՅԱՆԻ
«Առավոտ»
13.05.2017
