Քաղաքագետ Ալեքսանդր Մարկարովը կարծում է, որ ՀՀ-ում ԵԱՀԿ գրասենյակի փակումը նախ ԵԱՀԿ-ի պարտությունն էր: Այսօր «Տեսակետ» մամուլի ակումբում հրավիրված ասուլիսում քաղաքագետը այսպես բացատրեց իր միտքը`ԵԱՀԿ-ն չկարողացավ իր շահերը պաշտպանել: «ԵԱՀԿ –ՀՀ համագործակցությունը միշտ ներկայանում էր, որպես օրինակելի համագործակցություն՝ միտված ժողովրդավարության, մարդու իրավունքների զարգացմանը: Տվյալ պարագայում ԵԱՀԿ-ն ինքն էր շահագրգռված եղել ներկայացուցչություն ունենալ ՀՀ-ում: ԵԱՀԿ-ն զոհ գնաց մեկ անդամի գործունեությանը, որի հատկանիշները համապատասխան չէին իր աշխատանքին», – հայտարարեց քաղաքագետը:
ԵԱՀԿ երեւանյան գրասենյակի փակման առիթով պատվողների շարքում քաղաքագետը ներառում է նաեւ Հայաստանին եւ Ադրբեջանին: Նա կարծում է, որ այս ողջ պատմության մեջ Ադրբեջանն իր պահվածքով եւս մեկ անգամ ապացուցեց՝ ինքն ի վիճակի չէ խաղալ այդ միջազգային կազմակերպության կանոններով:
Իսկ Հայաստանի մասով, ըստ Ալեքսանդր Մարկարովի, հերթական անգամ ի ցույց դրվեցին քաղաքական եւ դիվանագիտական թուլությունը: Հայաստանու ԵԱՀԿ գրասենյակի գործունեությունը բանախոսը դրական է համարում ՀՀ տարբեր գերատեսչությունների, հասարակական կազմակերպությունների աշխատանքի հարցում, ուստի, դրա փակումը նա համարում է ոչ միայն պետության, այլ բոլորի պարտությունը:
Նելլի ԳՐԻԳՈՐՅԱՆ
