Իջեւանի միջպետական ճանապարհի փոսալցման աշխատանքները մայիսի 15-20-ը կավարտվեն: Այս մասին այսօր կառավարության նիստից հետո ճեպազրույցում ասաց տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը:
Հիշեցնենք, որ երեկ Տավուշի մարզի բնակիչները ի նշան բողոքի, փակել էին միջպետական ավտոճանապարհը. նրանք դժգոհում էին ճանապարհի կիսաքանդված վիճակից, ինչպես նաեւ գյուղմթերքների փողոցային առեւտուրն արգելելու որոշումից:
«Հաղարծինի ճանապարհի հատվածը, որ միշտ վատ վիճակ էր, երեկվանից սկսվել է կապիտալ շինարարություն»,-ասաց նախարարը:
Դիտարկմանը՝ ինչո՞ւ են միջպետական կարեւոր ճանապարհները վերանորոգում բողոքի ցույցերից հետո, նախարարն այսպես պատասխանեց. «Հայաստանի ճանապարհները բարվոք վիճակի բերելու համար մոտ 500 միլիարդ դրամի ներդրում է հարկավոր: Հնարավորությունները սահմանափակ են, անում ենք մաքսիմալ չափով»:
Մանրամասն՝ շուտով տեսանյութում
Նելլի ԲԱԲԱՅԱՆ
