Քաղաքագետ Վիգեն Հակոբյանը իրատեսակա՞ն է համարում «Ելքի» ծրագիրը՝ սոցիալական աջակցություն տրամադրել ընտրակաշառքի հարկադրվող քաղաքացիներին՝ 15 հազար դրամի չափով։ «Կիրառման տեսակետից իրատեսական չեմ համարում, քանի որ դա ընդհանրապես պարզ չէ, հասկանալի չէ, թե գաղափարախոսության տեսակետից ինչի տակ պետք է մտնի։ Ասվում էր, որ այն բանից հետո, եթե իրենք, այսպես ասած, կհաղթեն, այդ մեխանիզմը կմտցնեն։ Բյուջեի ցանկացած տող ունենում է իր գաղափարախոսությունը… ամեն դեպքում դա հակակոռուպցիոնի բովանդակության տակ չի տեղավորվում։ Երեւի թե սա ավելի շատ պետք է նայել զուտ որպես քաղաքական տեխնոլոգիայի տեսակետից, նախընտրական շրջանում»։
Վիգեն Հակոբյանի խոսքով, սակայն, քաղաքական տեխնոլոգիաների տեսակետից այն ընդունելի առաջարկ է։
Վիգեն Հակոբյանն ընդգծեց, որ այս տեխնոլոգիան գրեթե նույն էֆեկտն ունի, ինչ նախընտրական հոլովակը, երբ դաշինքի անդամները երգեցին միասին. «Որովհետեւ նրանք անում են քայլեր, որոնք հիշվում են եւ որոնք օրդինար չեն, սովորական չեն, ուշադրություն են հրավիրում։ Սա նախընտրական տեխնոլոգիայի տեսակետից ընդունելի է, նախընտրական շրջանում պոպուլիզմը շատ է լինում»։
Սիրան ՀՈՒՆԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
