Ժամանակակից ժողովրդական բժշկության մեջ խատուտիկը ընդունում են որպես ախորժակը բացող դառը դեղամիջոց, ինչպես փորկապության, այնպես էլ որպես լեղամուղ միջոց: Մեկ թեյի գդալ մանրացրած արմատը լցնում են 1 բաժակ եռման ջրի մեջ, թողնում 20 րոպե, քամում եւ ընդունում 1/4 բաժակ, 2-3 անգամ օրական՝ ուտելուց առաջ:
Արեւմտյան երկրների բժշկությունում խատուտիկի արմատը օգտագործում են թոքախտի, խպիպի, շաքարախտի եւ այլ հիվանդությունների բուժման համար:
Չինական բժշկության մեջ խատուտիկի արմատը օգտագործում են որպես քրտնամուղ, ջերմ իջեցնող միջոց, փոր թուլացնող, հանգստացնող, թեթեւ քնաբեր եւ թութքի բուժման համար:
Չորացրած եւ մանրացրած խատուտիկի արմատի փոշին նշանակում են որպես օրգանիզմից քրտինքի եւ մեզի դուրսբերման միջոց, իսկ չոր տերեւների եւ արմատների եփուկը օգտագործում են ստամոքսի ցավի, լեղուղիների կամ միզուղիների գոյացող քարերի դուրսբերման համար:
Խատուտիկի բույսը օգտագործվում է նաեւ էկզեմայի, չիբանի, մազապարկի եւ պիգմենտների հետքերի վերացման համար:
Խատուտիկի արմատի յուղաթուրմը այրվածքների լավ միջոց է:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
06.05.2017
