Մայիսի 6-ին տեղի ունեցավ արդեն մեկ տարի գործող քաշի նվազեցման կենտրոնի` առողջ ապրելակերպին նվիրված միջոցառումը: Ներկաների թվում էին երգչուհիներ Սոնա Ռուբենյանը, Լայանան, դերասանուհիներ Նաիրա Մովսիսյանը, Մերի Մակարյանը եւ այլք:
Տարածված կարծիք կա, որ նույնիսկ այսպիսի սննդակարգից հետո, թողնելով այն, նորից վերադառնում են նախկին քաշին, նման կարծիքին հակադրվելով` այդ փուլն անցած եւ այժմ սովորական սննդակարգով սնվող հաճախորդները բերեցին իրենց օրինակները. Արեգնազ Մանուկյանը մոտ չորս ամիս է` դադարի փուլում է. «Ուտում եմ այն ինչ ուզում եմ, բնականաբար տրամաբանության սահմաններում, ինքս ինձ համար զսպումների որոշակի մեխանիզմ եմ մշակել, եւ քաշս գնալով նվազում է, այլ ոչ հակառակը»:
Դերասանուհի Նաիրա Մովսիսյանը ազատվել է 10 կգ ավելորդ քաշից. «Ինձ համար կարեւորը ոչ միայն վիզուալ առումով նիհարելն էր, այլեւ առողջ սնվելով` թեթեւ ապրելը եւ վստահ լինելը, որ առողջական խնդիրներից զերծ կմնամ: 10 կգ ավելորդ քաշից ազատվելուց հետո ես փորձեցի նույնքան քաշ բարձրացրած քայլեր եւ հասկացա, որ այդքանը կրել եմ իմ հետ»:
Գայանե Շախատունին առողջ սննդի հետ մեկտեղ առաջարկում է նաեւ մարզվել, ասելով, որ միայն իրենց տրամադրած սննդակարգով էլ արդյունքը միանշանակ կլինի, պարզապես մարզվելով լինում ենք շատ ավելի առողջ, այլ ոչ կիսաառողջ:
Կարդացեք նաև
Մերի ԻՍԱՅԱՆ
