Մայիսի 6-ի ԿԸՀ արտահերթ նիստի օրակարգում «Իրավունքի Եվրոպա միավորում», «Թրանսփարեսնի ինթերնեյշընլ» հակակոռուպցիոն կենտրոն, Ժուռնալիստների «Ասպարեզ» ակումբ հ/կ-ների, եւ նշված կազմակերպությունների դիտորդների (այդ թվում`Զառա Մելքոնյան, Էլիզա Աբովյան, Սուսաննա Ազիզյան, Ռուբեն Բաբայան, Անի Սիրեկանյան, Սամվել Ավետիսյան, Էդգար Մկրտչյան) կողմից թիվ 4, 5, 7, 8, 11, 13, 17, 23, 26, 31. 32, 36 տարածքային ընտրական հանձնաժողովների վերաբերյալ դիմումներն էին:
Բոլոր դիմում-բողոքներըը մերժվեցին, եւ ԿԸՀ նախագահ Տիգրան Մուկուչյանն ասաց, որ դրանք կարող են բողոքարկվել վարչական դատարանում` երեք օրացուցային օրվա ընթացքում:
Իրավունքի Եվրոպա» հ/կ-ի ավագ խորհրդատու Տիգրան Եգորյանը նեղսրտեց, որ իր օգնական Դիանա Աթոյանին ոստիկանները չեն թույլատրում բարձրանալ վերեւ, մինչդեռ նրա ներկայությունը անհրաժեշտ է իր աշխատանքն իրականացնելիս: Հարցը կարգավորվեց ԿԸՀ նախագահին դիմելուց հետո:
Տիգրան Եգորյանի միջնորդությունները վերաբերում էին տեսանյութերի գործին կցելուն, վկաներ հրավիրելուն եւ այլն, սակայն դրանք եւս մերժվեցին:
Կարդացեք նաև
«Իմ ընկալմամբ ձեզ հետ շփումներից օրենսդրի ներդրած փիլիսոփայությունը պատկերացնում եք, ուստի համաձայն չեմ, թե օրենսդիրը չի սահմանել գրանցման ֆիլտր: Նպատակն այն է, որ կասկածելի օրենքի խախտման հատկանիշ ունեցող դեպքերը գրանցվեն, ու համապատասխան մարմինը նայի համանման դեպքերը տարբեր տեղամասերում, գնահատի, որոշի»,-ասաց Եգորյանը: ԿԸՀ աշխատանքը դադարեցվեց կես ժամով ընդմիջում հայտարարվելու արդյունքում:
Գոհար ՀԱԿՈԲՅԱՆ
