«Բանակցային գործընթացն իրականացվում է, Վիեննայի եւ Սանկտ Պետերբուրգի պայմանավորվածությունները փորձում ենք կյանքի կոչել»,-«Փաստարկ» մամուլի ակումբում այսօր անդրադառնալով Արցախյան հակամարտության կարգավորման բանակցային գործընթացին՝ ասաց ՀՀԿ-ական նորընտիր պատգամավոր Շիրակ Թորոսյանը:
«Մենք միակողմանի ենք կյանքի կոչում այդ պայմանավորվածությունները: Սահմանին մշտադիտարկման սարքեր ենք տեղադրել՝ ոչ միայն մշտադիտարկում անցկացնելու, այլեւ մեր սահմանն անառիկ պահելու համար»,-նշեց նա:
Անդրադառնալով նշյալ պայմանավորվածություններից հրաժարվող հակառակորդ կողմին՝ Շիրակ Թորոսյանը նկատեց՝ Ադրբեջանի գործն է՝ պատերազմ կսկսի՞, թե ոչ. «Ադրբեջանը լրջագույն խնդիրներ կունենա, եթե պատերազմ սանձազերծի: Մենք պատրաստ ենք դիմակայելու»:
Պատգամավորի խոսքով. «Եթե Ադրբեջանը Մադրիդյան սկզբունքներին այլընտրանք է փնտրում, ապա այն կարող է լինել պատերազմը, իսկ հայկական կողմի համար՝ Արցախի ճանաչումը»:
Կարդացեք նաև
Թեմայի շուրջ այլ մանրամասները՝ տեսանյութում:
Լուիզա ՍՈՒՔԻԱՍՅԱՆ
արդեն տարիներ բանակցություններից հետո բոլորն էլ գիտեն ադրբեջանի հիմնական նպատակը ինչ է . ուրեմն ժամանակն է որ Հայաստանը աշխարհին ընդունելի եվ փաստացի հիմնավորումներով ճանաչի Արցախի անկախությունը եվ անմիջապես բացումը կատարի Հայաստանի դեսպանատանը՝ Ստեփանակերտում. ավելորդ ու անիմաստ սպասելը մեր վնասին է: