Այն անձինք, ովքեր տառապում են ալերգիկ հիվանդությամբ, անհրաժեշտ է, որ լրիվ ապաքինվեն, որպեսզի վերականգնվի մարդու օրգանիզմի ռեակցիան: Ալերգիկ երեւույթները տարբեր են, ուստի, բուժում սկսելուց, նախ պետք է պարզել տեսակը եւ ապա բժշկի խորհրդով ստանալ բուժում:
Ժողովրդական բժշկությունն առաջարկում է թեյի եւ սուրճի փոխարեն օգտագործել թարմ կատվալեզվի եփուկ: Այն հայտնի է հակաալերգիկ ազդեցությամբ: Եփել ինչպես թեյ եւ խմել ամեն 20 րոպեն մեկ: Կատվալեզվի եփուկի գույնը պետք է լինի ոսկեգույն, եթե այն պղտոր է եւ կանաչավուն, ուրեմն կատվալեզուն անպետք է օգտագործման համար:
Եփուկը չպետք է պահվի, այն անհրաժեշտ է խմել միայն թարմ վիճակում:
Նեխուրի հյութը եւ եփուկը ընդունում են միայն եղնջատենդի դեպքում:
Թարմ արմատից քամել բույսի հյութը եւ ընդունել օրական 1-2 թեյի գդալ, 3 անգամ՝ ուտելուց կես ժամ առաջ: Կարելի է նույն ձեւով ընդունել եւ բույսի թուրմը` 2 ճաշի գդալ մանրացրած արմատը դնել 200 գրամ սառը ջրի մեջ, քամել եւ ընդունել: Խմել 1/3 բաժակ` օրական 3 անգամ, մինչեւ ուտելը:
Կարդացեք նաև
Եղինջի տերեւների թուրմը եւս օգտագործվում է որպես հակաալերգիկ միջոց. 2 ճաշի գդալ եղինջի տերեւների վրա լցնել 2 բաժակ եռման ջուր եւ թողնել 2 ժամ, որպեսզի լավ թրմվի: Խմել 1/2 բաժակ, օրական 4 անգամ, մինչեւ ուտելը:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
05.05.2017
