Հատված «Ծառուկյան» դաշինքի համամասնական ցուցակով պատգամավոր դարձած տնտեսագետ ՎԱՐԴԱՆ ԲՈՍՏԱՆՋՅԱՆԻ հարցազրույցից:
– Նախընտրական շրջանում Գագիկ Ծառուկյանը խոստացավ մեծամասնություն լինելու պարագայում 15 մլրդ դոլարի ներդրում։ Հիմա ստացել եք 30 մանդատ, գուցե այդ ներդրումների կե՞սն ապահովեք։
– Ներդրումը չի կարող կիսվել։ Սա լրիվ այլ մեթոդաբանություն է։ Ներդրում նշանակում է որևէ գործունեություն ծավալող իր սեփականությունը, կապիտալը տրամադրում է նոր արժեքներ ստեղծելուն, աշխատատեղեր բացելուն։ Փաստորեն, նա ավանսով սպասում է իր եկամտին, որ իր ներդրածը հետ բերի։ Բայց եթե չկա վստահություն, չենք կարող այդ ֆինանսները կիսել ու ասել՝ այսքան մանդատ ենք ստացել, ու ներդրումը կիսվում է։ Եթե ես ներդրող եմ, պետք է վստահեմ օրվա իշխանությանը, ոչ թե անձին։ Իսկ քանի որ չկա վստահելի իշխանություն, խելքը գլխին մարդը ոչ թե 1 մլրդ, այլ 100 դրամ էլ չի ներդնի։
– Պարոն Բոստանջյան, այդուհանդերձ, նման մոտեցումն անարդար չէ՞ այն ընտրողի հանդեպ, որը հավատաց ներդրումների մասին խոստումներին ու ընտրեց ձեզ։
Կարդացեք նաև
– Այնպիսի բան ասացիք, հուզվեցի։ Այս ի՞նչ անարդարություն էր։
– Փաստորեն, նախընտրական հնա՞րք էր։
– Գնացեք ու վերցրեք 2008-ից իշխանության տված բոլոր խոստումները, որոնք այդպես էլ իրականություն չդարձան։ Ինչո՞ւ հանկարծ այս մեկը հիշեցիք։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
