«Ելք» դաշինքի ցուցակով պատգամավոր ընտրված Էդմոն Մարուքյանի կարծիքով, ԲՀԿ-ում սկսված «մանդատի կռիվը» երկու կողմ ունի: Ըստ նրա, այն մարդիկ, որոնք հիմա դժգոհում են, որ մանդատը վայր դնելու մասին դիմումներն իրենք չեն գրել, ժամանակին համաձայնել են այն խաղի կանոններին, որոնք իրենց առաջարկվել են, իսկ հիմա հրաժարվում են այդ նույն խաղի կանոններից:
«Մանդատները դնել էին տվել իրականում: Այս մարդիկ գնացել դիմում են գրել ավելի վաղ՝ մինչեւ ընտրությունները նոտարով հաստատել ու ուղարկել են ԿԸՀ: Հիմա նրանք իրենց իրավունքներն են պաշտպանում, լավ են անում, բայց միգուցե երբ իրենց դիմում գրել էին տալիս, որ հետո պետք է հրաժարվեն, այդ ժամանա՞կ պետք է պաշտպանվեին: Պա՞րզ է չէ, որ այդ ժամանակ հայտարարեին, որ նման բան կա, իրենց չէին ընդգրկի այդ ցուցակում»,- ասաց պատգամավորը:
Նա նաեւ նկատեց, որ երբ մեծամասնական ընտրակարգը քննադատվում էր, ասում էին վատն է, համամասնական ընտրակարգն է լավը, ինքը հիշեցնում էր, համամասնական ընտրակարգի դեպքում կուսակցության ղեկավարներն են որոշում՝ ով է դառնալու պատգամավոր, չնայած որ այն կարծիքին է, որ ընդդիմադիր ուժերում նման դեպք չի հիշում, իսկ իշխանական ուժերում միշտ կա:
Հիշեցնենք, որ մանդատը վայր դնելու դիմում ներկայացրած 23 ԲՀԿ-ական ընտրված պատգամավորից 12-ը հայտարարեցին, որ իրենք չեն գրել այդ դիմումները:
Կարդացեք նաև
Արփինե ՍԻՄՈՆՅԱՆ
