Գյումրի բժշկական կենտրոնը մամլո հաղորդագրություն էր տարածել, համաձայն որի, մայիսի 4-ին՝ ժամը 03:00-ին 1980 թվականին ծնված Արամ Հակոբյանը եւ 1984 թվականին ծնված Անժելա Գաբրիելյանը ծանր մարմնական վնասվածքներով տեղափոխվել են Գյումրի բժշկական կենտրոն: Արամ Հակոբյանի մոտ ախտորոշվել է դեմքի, պարանոցի, շնչուղիների, վերին եւ ստորին վերջույթների թերմիկ այրվածք՝ 1-ին, 2-րդ եւ 3-րդ աստիճանի, այրվածքային շոկ, իսկ Անժելա Գաբրիելյանի մոտ ախտորոշվել են դեմքի քերծվածքներ, վերին եւ ստորին վերջույթների թերմիկ այրվածքներ: Տուժածների առողջական վիճակը գնահատվում է միջին ծանրության: Նրանք համապատասխան բժշկական օգնություն են ստանում վերակենդանացման եւ վնասվածքաբանական բաժանմունքներում:
Դեպքը տեղի է ունեցել Գյումրու «Մուշ» թաղամասի բնակարաններից մեկում․ ամուսինները, գիշերվա կեսին լսելով գազի արտահոսքը ազդարարող սարքի անընդմեջ ծնգոցը, վառել են լույսը՝ տեսնելու, թե ինչ խնդիր է առաջացել։ Լույսը վառելուն պես ուժգին պայթյուն է տեղի ունեցել։ Բարեբախտաբար, նրանց անչափահաս երեխան չի տուժել։
Կարդացեք նաև
Նունե ԱՐԵՎՇԱՏՅԱՆ
