«Անձնական տվյալների պաշտպանության մասին» օրենքի նախագծում լրատվամիջոցների աշխատանքի համար խնդրահարույց կետ կա՝ լրագրողի համար արդյունավետ աշխատանք չի կարող լինել այն փաստը, որ ամեն անգամ նյութ պատրաստելիս նա անձի անձնական տվյալների հրապարակումը պետք է համաձայնեցնի վերջինիս հետ: Այս մասին այսօր «Բլից Ինֆո» մամուլի ակումբում հայտարարեց «Խոսքի ազատության պաշտպանության կոմիտեի» նախագահ Աշոտ Մելիքյանը: Նա օրենքի նախագծի նշյալ կետն աբսուրդ է որակում:
Անդրադառնալով փաստին, որ մեկ այլ՝ «Տեղեկատվության ազատության մասին» օրենքի նախագծով առաջարկվում է ստեղծել ՄԻՊ-ին կից Տեղեկատվության ազատության խորհուրդ, Մելիքյանը նկատեց, որ այդ մարմնի լիազորությունները հստակ չեն, ձեւավորման կարգը՝ նույնպես:
Աշոտ Մելիքյանը նաեւ ահազանգեց, որ լրագրողներին առնչվող «Էլեկտրիկ Երեւան»-ի եւ «Սարի թաղի» գործերը դոփում են տեղում, նոր կասկածյալներ եւ մեղադրյալներ չկան: Հիշեցնենք, որ «Էլեկտրիկ Երեւան»-ի ժամանակ տուժել է 22, իսկ «Սարի թաղի» դեպքերի ժամանակ՝ ավելի քան 20 լրագրող եւ օպերատոր: «Սարի թաղի առնչությամբ ՄԱԿ-ի մարդու իրավունքների կոմիտեն գրանցել է երկու լրագրողի գանգատներն առ այն, որ իրավապահ մարմիններն արյունավետ չեն գործում»,-հայտնեց Աշոտ Մելիքյանը:
Կարդացեք նաև
Այլ մանրամասները՝ տեսանյութում
Լուիզա ՍՈՒՔԻԱՍՅԱՆ
