«Հայ-թուրքական հարաբերությունների զարգացման հեռանկար կա: Աշխարհն առավել շատ ակնկալում է, որ այդ հարցում Թուրքիան առաջ շարժվի, իսկ Հայաստանն արդեն իսկ արել է իր անելիքը»,- այսօր հայ եւ թուրք ներդրողների համաժողովի ընթացքում լրագրողների հետ զրույցում խոսելով ՀՀ-Թուրքիա հարաբերությունների կարգավորման հեռանկարների մասին, ասաց Ռազմավարական և ազգային հետազոտությունների կենտրոնի տնօրեն, քաղաքագետ Ռիչարդ Կիրակոսյանը:
Նա ավելի հավանական է համարում հայ-թուրքական հարաբերությունների դրական ընթացքը, քան հայ-ադրբեջանական հարաբերությունների. «Թուրքիայի հարցում ՀՀ իշխանությունները նախապայմաններ չեն դրել: Հայաստանը ճիշտ վարվեց, որ ժամանակին հայ-թուրքական արձանագրություններից հրաժարվեց»:
Քաղաքագետի խոսքով՝ ՀՀ-ն, Թուրքիայի հետ համեմատած, ավելի ամուր դիրքերում է. «Իրականում վատ վիճակում է գտնվում նաև Ադրբեջանը, թեեւ պաշտոնական հայտարարություններն այդ մասին չեն: Թուրքիան էլ իր հերթին Բաքվի գերին է, եւ դա մեծ զայրույթ է առաջացնում Թուրքիայում»:
Լուիզա ՍՈՒՔԻԱՍՅԱՆ
Կարդացեք նաև
Լուսանկարը՝ Հանրային լրագրության ակումբի
