Հայաստանի արդարադատության նախարարությունը քննարկում է Գյումրիում Ավետիսյանների ընտանիքին սպանած Վալերի Պերմյակովի պատժի կրման վայրը փոխելու հարցը: Նման տեղեկություն է տարածել «Ինտերֆաքս» գործակալությունը`վկայակոչելով ՀՀ Արդարադատության նախարարությանը:
«Արմենպրեսս» մամուլի սրահում, լրագրողների հետ հանդիպման ժամանակ, արձագանքելով այդ հարցին, ՀՀ արդարադատության փոխնախարար Սուրեն Քրմոյանն ասաց, որ հստակ որոշում չկա, ոչ էլ պայմանավորվածություն: Փոխնախարարն ասաց, որ իրենք քննարկում են Պերմյակովի պատիժը կրելու վայրը կազմակերպելու հարցը, բայց հստակ որոշում գոյություն չունի:
Նելլի ԳՐԻԳՈՐՅԱՆ
