Human Rights Watch (HRW) միջազգային իրավապաշտպան կազմակերպությունն իր կայքում նոր տվյալներ է հրապարակել Սիրիայում, այդ թվում Իդլիբ մարզում քիմիական զենքի կիրառման վերաբերյալ:
Ըստ զեկույցի՝ Իդլիբում ամենայն հավանականությամբ օգտագործվել են խորհրդային արտադրության ավիառումբեր, որոնք նախատեսված են եղել զարինի կիրառմամբ քիմիական հարձակումներ իրականացնելու համար:
«Ապրիլի 4-ին Խան-Շեյխունում օգտագործված զենքերի մնացորդների լուսանկարներն ու տեսանյութերը, ամենայն հավանականությամբ, համընկնում են հատուկ զարինի տեղափոխման համար նախատեսված խորհրդային քիմիական ռումբերի բնութագրիչների հետ»,- ասվում է զեկույցում:
Փաստաթղթում նշվում է, որ լուսանկարներն ու տեսանյութերը վկայում են, որ կիրառվել են ХАБ-250 կամ ХАБ-500 ավիառումբեր:
Կարդացեք նաև
Ըստ իրավապաշտպանների՝ սիրիական զորքերը ևս մի քանի անգամ քիմիական զենք են կիրառել՝ դեկտեմբերի 11-12-ին Համայի արևելքում և մարտի 30-ին Համայի հյուսիսում:
Պատրաստեց՝ Վիկտորյա ԱՆԴՐԵԱՍՅԱՆԸ
