Facebook-ը խոստովանել է, որ իր հարթակը որոշ երկրների կառավարություններ փորձել են օգտագործել այլ երկրներում կամ հենց երկրների ներսում հանրային կարծիքի վրա ազդելու համար։ Այս մասին ասվում է ընկերության՝ «Կառավարությունների հայցերի մասին զեկույցում»:
Զեկույցում նշվում է, որ 2016թ. երկրորդ կեսին առաջին կեսի համեմատությամբ կառավարությունների կողմից Facebook-ից տվյալներ խնդրելու հաճախականությունն ավելացել է 9 տոկոսով՝ 59,229-ից հասնելով 64,279-ի, բովանդակությունն արգելափակելու հայցերը, ընդհակառակը, նվազել են։
Մասնավորապես, Հայաստանից ընկերությունը ստացել է օգտատերերի տվյալներ փոխանցելու 7 հայց, իսկ բովանդակությունն արգելափակելու հայց չի ներկայացվել։
Նշենք, որ զեկույցն ընդգրկում է 2016թ. հուլիսից դեկտեմբեր ընկած ժամանակահատվածը։
Կարդացեք նաև
2016թ. հուլիսին Էրեբունու ՊՊԾ գնդի գրավման ժամանակ Հայաստանում Facebook-ը կարճ ժամանակով անհասանելի էր։
Պատրաստեց՝ Վիկտորյա ԱՆԴՐԵԱՍՅԱՆԸ
