Արցախի հակամարտության կարգավորման հարցում հիմնական դեր են կատարում երկու գործոն՝ ժամանակը և կողմերի մտադրությունների լրջությունը: Այս մասին ԱՊԱ գործակալությանն ասել է Իրանի ԱԳՆ մամուլի խոսնակ Բահրամ Քասեմին:
Նրա խոսքով՝ տարածքային հավակնություններ ներկայացնող հակամարտությունները չեն լուծվում մեկ կողմի շնորհիվ: «Հակամարտության կարգավորման գործում դերակատարություն ունենում են բազմաթիվ գործոններ: Վերջում դրանք բոլորը պետք է միավորվեն, որպեսզի խնդիրը լուծում ստանա: Ուստի ես կարծում եմ, որ այն միտքը, որ այս հակամարտությունը կարող է լուծվել մեկ մարդու կողմից, ճիշտ չէ: Հակամարտության կարգավորումը հնարավոր է միայն՝ հաշվի առնելով բոլոր գործոնները»,- ասել է խոսնակը՝ նկատի ունենալով Ռուսաստանի միջամտությունը խնդրի կարգավորման գործում:
Քասեմին նշել է, որ հիմնական գործոններից մեկը ժողովուրդն է:
«Անհրաժեշտ է լուրջ մոտենալ այս գործոնին: Լուծել Լեռնային Ղարաբաղի հակամարտությունը առանց ժողովրդի դերակատարության, անհնար է: Ժողովրդի դերակատարությունն այս հակամարտության գործում կլինի վճռորոշ»,- ասել է Քասեմին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
