Երեւանի քաղաքապետ Տարոն Մարգարյանի պաշտոնավարման ժամանակ, չնայած խոստացել էր «ավելի լավ Երեւան», բայց բարեկարգում Գոհար Սարգսյանը տեսել է միայն կենտրոնական մասերում. «Եթե ես ապրում եմ Զեյթունում, մեր շենքի բակում բոլորը քանդած, աղտոտված վիճակ է: Երկու շենք այն կողմ՝ մաքուր, սիրուն: Ավան թաղամասում՝ մաքուր, սիրուն, որովհետեւ ինքը այնտեղ է ապրում:
Որն է Զարուհի Փոստանջյանի առավելությունը՝ Նիկոլ Փաշինյանի եւ Տարոն Մարգարյանի նկատմամբ: Մեր այս հարցին Երեւանի ավագանու ընտրություններում «Երկիր Ծիրանի» կուսակցության ցուցակով առաջադրված ավագանու թեկնածու Գոհար Սարգսյանը՝ մահացած զինծառայող Տիգրան Օհանջանյանի մայրը պատասխանեց. «Անկեղծությունը, արդարությունը եւ կառուցողական իր ծրագրերը»:
Ըստ Գոհար Սարգսյանի, Երեւանի քաղաքապետ Տարոն Մարգարյանի պաշտոնավարման ժամանակ, չնայած խոստացել էր «ավելի լավ Երեւան», բայց բարեկարգում ինքը տեսել է միայն կենտրոնական մասերում. «Ես ապրում եմ Զեյթունում, մեր շենքի բակում բոլորը քանդած, աղտոտված վիճակ է: Երկու շենք այն կողմ՝ մաքուր, սիրուն: Ավան թաղամասում՝ մաքուր, սիրուն, որովհետեւ ինքը այնտեղ է ապրում: Չի կարելի նման տարբերակում դնել: Գոնե կարելի է ամբողջ քաղաքի կտրվածքով մաքրությունը պահպանել: Սա ծայրամաս է, դրա համար պետք չի՞ մաքրել»:
Նա ասաց, որ իր հույսը կապում է միայն Զարուհի Փոստանջյանի հետ: Թե ինչ կանի նա, եթե լինի քաղաքապետ՝ Գոհար Սարգսյանը պատասխանեց. «Առաջինը՝ կոռուպցիան կվերանա, ես համոզված եմ, կգործի արդարությունը: Իսկ եթե արդարություն լինի, ամեն հարց իր տեղը կընկնի»:
Կարդացեք նաև
Հռիփսիմե ՋԵԲԵՋՅԱՆ
