Աշխատանքի և սոցիալական հարցերի նախարար Արտեմ Ասատրյանը ապրիլի 29-ին լրագրողների հետ հանդիպման ընթացքում ներկայացրեց ՀՀ կառավարության ծրագրով նախատեսված վերջին 6 ամիսների ընթացքում կատարված աշխատանքները: Նա առանձնացրեց անապահովության գնահատման մոտեցումների և մեթոդաբանության գնահատման արմատական վերանայումը:
«Մենք նախատեսում ենք փոփոխություններ, որոնց հիմնական սկզբունքային մոտեցումը հետևյալն է՝ աշխատունակ անձը, որը որևէ սոցիալական խմբի չի պատկանում, որը 18-63 տարեկան միջակայքում է գտնվում և որևէ կարգավիճակ չունի՝ ենթադրենք՝ ուսանող չի, վարձու աշխատող չի, անհատ ձեռնարկատեր չի, հաշմանդամություն ունեցող անձ չի և այլն, այսօր համակարգում մենք տվյալ անձին հատկացվող միավորը նվազեցնելու ենք՝ շահադրդելու դեպի աշխատաշուկա, դեպի զբաղվածության համակարգ: Աշխատաշուկայում անմրցունակ անձանց համար նախատեսված զբաղվածության ծրագրերը պիտի լիարժեք փակեն մեր այն բոլոր քաղաքացիների խնդիրները, որոնք զբաղվածության և աշխատանքի միջոցով եկամուտ ստանալու խնդիր ունեն»,- ասաց նա:
Արտեմ Ասատրյանն ընդգծեց, որ փոխարենը նախատեսում են ավելացնել երեխաներին հատկացվող միավորները:
Ամի ՉԻՉԱԿՅԱՆ
Կարդացեք նաև
